ضيــــاّع ..!

السلام عليكم ورحمة الله وبركاته
في زمن لا نعرف ماذا نطلق عليه زمن الحب ام زمن الغدر
ام ... يبقى لكل منا مسمى لهذا الزمن على حسب عيشته .
فمنا من عاش الهناء فيه ونسي غيره ومنا من تعذب ومنا من اشغل نفسه بمشاكل غيره .. والكثير الكثير من الحالات ..هنا اقدم لكم جميع هذه المشاكل في روايتي الأولى .. اقراؤها [كامله واتمنى سماع ارائكم .. ملاحظه : انتقادتكم تهمني جدا
وامااانه على اي واحد فكر ينقلها ما ينقلها الا بعد ما يستأذني

كانت جالسه عند التسريحه بغرفتها .. ومشغله المسجل على
مسويقى تشبهها كثيراً بهدوئها ورمنسيتها .. وفجأه تدخل اختها اللي غير عنها تماماً سماهر تفتح الباب من دون ما تطقه .. ندى من الفزعه جلست
عـ الأرض وتصرخ .. يمممه
سماهر تنظر لها بتعجب .. وتتريق عليها : يالبى النعومه اللي
فيك .. عسى ما خوفتك
ندى : انتي مجنونه تدرين ؟ سماهر : معلومه جديده تفيدني كثيراً ..
ندى : ههههاااي تعرفين تنكتين يالله اقلبي وجهك .. اطلعي برا
وسكري الباب
سماهر : والله لو تعرفين اش عندي ما قلتي اطلعي برا

ندى : ماعرف ومابي اعرف .. انتي بس اقلبي وجهك ولا عاد

تدخلين غرفتي من دون ما تطقين الباب .. ولا تر بقول لأمي
وابوي عن سوالفك وعن اللي خبري خبرك
سماهر تمثل دور المسكينه : حرام عليك هذا وانا اختك اللي جايتك معي لك احلى خبر انتي تبين تحرميني من اغلى شي
عندي
ندى : خلاص هونت ماراح اقول لأمي ولو ان الموضوع خطيير بس يالله توك صغيره بكره تكبرين و تدرين ان كل اللي
تسوينه غلط .. خلصيني قولي اش عندك

سماهر : يا بعد عمري اختي .. المهم روحي طلي من الدرج
شوفي من عندنا
ندى تشهق : ط ط طـــلال ..!!!
سماهر : يالله الحقي شوفيه قبل يروح
ندى : ( بحركه سريعه تركض لدرج )
سماهر تكلم نفسها : والله البنات ذولا عله .. والمشكله اعز
انسانه عندي بنت .. لا بس هذي غير كل البنات .. خل ادق
عليها وحشتني
في بيت شهد اللي هي صديقة سماهر بالمدرسه .. يرن جوالها
شافت الأسم وعلى طول ردت .. شهد : الووو
سماهر : وحشتينــي وحشتيني وحشتيني
شهد يحمر وجهها : وبخجل كان واضح بصوتها .. وأنتي بعد
سماهر : اااه متى يجي بكره واشوفك
شهد وكأنها تذكرت شي مهم : ااايه صح انتي ليش غايبه اليوم
سماهر : ياقلبي والله كنت تعبانه
شهد : ايه تعبانه قولي لي ارسلي مو تخليني كذ
سماهر : وش اللي اقولك ..؟! شهوده انا طايحه فراشي ماكان
فيني حيل اكلم احد
شهد : ايه انا لما اتعب اقول مالي خلق اكلم احد الا انتي لو ان
شاء الله بموت بكلمك .. والله توقعت انك ولا يمكن اكون عندك
مثل باقي الناس
بس للأسف الظاهر ان ظني موب بمحله .. يالله باي
سماهر بهالحظه كانت ساكته شوي وما سمعت الا صوت
انقطاع الخط :
طووط طوووط
سماهر تسكر عيونها وترفع راسها و تتنهد .. وتنزل راسها
وتفتح عيونها : اعووذ بالله من الشيطان الرجيم

وتطلع من غرفة اختها متجهه لغرفتها .. وتطلع لها ندى بوجهها
ندى : سماهر قسم بالله اني احبه
سماهر تعطيها نظره من طرف عينها وتكلمها : اقلبي وجهك ماني فاضية لك
ندى بطبيعتها الرقيقه ما تقدر ترد على اختها ولو انها اصغر منها
لاكن من غير هذا ندى انسانه متفهمه .. فتدري ان اختها معصبه خلتها وسكتت عنها
سماهر من دون اكتراث للي سوته ما فكرت حتى تعتذر تروح تمشي لغرفتها .
في حين ام سماهر وابوها جالسين بالصاله .. تنزل ندى
ام سماهر : هلا يابنيتي وين اختك ناديها شوي ونحط العشاء
ندى : يمه سماهر متضايقه شوي ما ظن بتنزل
ابو سماهر : افاا عسى ماشر
ندى : لا يبه مافيها شي بس شوي ضايق خلقها
ام سماهر : خلاص يمه خليها براحتها
ندى : ان شاء الله يمه
الى هنا يتوقف البارت الأول
اذا شفت ردودكم ان شاء الله بكم واذا ماشفت راح تتوقف الروايه

__________________
لأني أحبكـم .. بقدم لكم احلى هديه ..