برنامج Win Setup from USB لتنصيب الويندوز من فلاشه او من هارد خارجي مع الشرح
كاتب الموضوع
رسالة
ساركو منسى مميز
الجنس : مساهماتى : 318 العمر : 43 النقاط : 208 معدل التقييم : 0
موضوع: برنامج Win Setup from USB لتنصيب الويندوز من فلاشه او من هارد خارجي مع الشرح الأحد 7 أغسطس - 22:26:56
السلام عليكم ...
اقدم لكم اليوم برنامج صغير مساحته لاتتعدى ال 5 ميجا بايت ورائع وكمان مجاني
فهو مفيد جدا لشريحه كبيره من المستخدمين خاصة مستخدمي الاجهزه الجديده الـ UMPC او الـNetBooks او الاجهزه النحيفه او كما تحبون ان تسمونها المهم انها التي ليس بها CD او DVD !
فمن خلاله يمكنك عمل سيت اب setup للوندوز عن طريق فلاشه او هارد خارجي External Hard Disk
نبدأ بسم الله الرحمن الرحيم :
ملحوظه : سنقوم هنا بمحاكاة عملية التنصيب لويندوز اكس بي فقط ولكن اكتر من شخص جربها من وندوز Vista او Seven فبالمثل هتعمل نفس الخطوات مع اختلاف ان الفلاشه لازم اكبر شويه او لو هارد وان يكون عندك الدي في دي الي يحتوي على ملفات الوندوز (دي في دي الوندوز)
المتطلبات الي هنحتاجها هي :
1-فلاش ميموري (فلاشه) تكون على الاقل 1 جيجا 2-سي دي وندوز اكس بي (سي ديهاية الوندوز) 3-برنامج Win setup from USB
الخطوه الاولى : حمل اخر نسخه ثابته (Stable) رقم 0.2.3 من البرنامج من هنا وبعد كده اعمله سيت اب عادي زي اي برنامج اخر ..
الخطوه الثانيه : قم بعمل مجلدFolder جديد عشان يحتوي على ملفات السيت اب وومكن نسميه وليكن WINXPCD ومن ثم ادخل سي دي الوندوز في الجهاز واعمل Copy لكل الملفات و Paste في الفولدر الي عملناه
هيكون عندك الشكل بعد ما النقل يخلص كده
الخطوة الثالثه :
ادخل الفلاشه في الجهاز (زي ما اتفقنا انها في المثال دا كده عشان وندوز اكس بي حجمه صغير انما ممكن تبقى هارد مثلا) وافتح البرنامج المفروض انه يكون شكله زي الصورة
*في المربع الاول بيطلب منك السورس او المصدر وهو في المثال المجلد او الفولدر الي سميناه WINXPCD ونقلنا جواه ملفات السيت اب هنعمل Browse ونختاره زي الصورة
*في المربع الثاني هتلاقي اسم الفلاشه ومساحتها الي شايفها الوندوز
*في الجزء المكتوب عليه Format Target Using
عندنا اختيارين اما PE to USB ودا نستخدمه للفلاشات الي 2 جيجا بايت او اقل ووبيخلي الFile System يبقى FAT 16
او HP Format Tool و دا نستخدمه للفلاشات او الهاردات الي اكبر من 4 جيجا بايت ودا بيخلي الFile System يبقى FAT32
في هذا المثال سنقوم باختيار PE to USB لان الفلاش ميموري المستخدم في هذا المثال 2 جيجا بايت
ملحوظه هامه جدا : سيتم تدمير كل البيانات والملفات الشخصيه الموجوده على الفلاشه من فضلك تاكد من ان الفلاشه او الهارد خاليه تمام من اي ملفات شخصيه حتى لا تحذف
اول ما بنختار برنامج الPE to USB هتفتحلنا صفحة فيها اختيارات هنعملها زي ما فالصورة
وبعدين ندوس Start و بكده هيتم بدا علمية الفورمات ودا معناه زي ماحذرت فوق ان كل الملفات هتتمسح المهم لما يخلص وكله يبقى تمام المفروض تجيلك رساله تقولك “Operation Completed Successfully!” وبعدين ندوس على OK عشان نقفل برنامج الفورمات ونرجع للبرنامج الرئيسي تاني
وللعم التعامل ببرنامج الHP Format Tool هيكون شبيه جدا ومثل الي عملنا تقريبا هنا ..
هندوس على GO عشان نبدا عملية نقل الملفات من الفولدر الى الفلاشه
ولما النقل يخلص وكله يبقى تمام المفروض تجيلك الرساله دي
ودي معناها انك لازم عشان العمليه تكمل صح انك تقوم (boot)الجهاز من الفلاشه او الهارد 3 مرات 1-عشان تبدا عملية السيت اب والي بكون على شكل قوائم نصيه مثل شاشات الدوس القديمه وبنسميها الـ**** Mode 2- بعد اول ريستارت بعد ما ال **** Mode يخلص وتبدا من جديد ولكن المرحله دي بيكون فيها الماوس والخلفيه وغيره من ما تراه على الشاشه وبنسميها GUI 3-بعد ما الGUI يخلص وتبدا الوندوز لاول مره وبنسميها الـFirst Run
دوس على OK وبعدين Exit علشان نطلع من البرنامج .كده انت بقى معاك فلاشه تقدر من خلاله تستب وندوز اكس بي
الخطوة الرابعة :
وصل الفلاشه بالكمبيوتر وبعدين شغل الكمبيوتر ولازم نختار ان الجهاز يقوم او يقّلع (Boot) عن طريق الفلاشه ودا عن طريق الضغط على زار F8 او F12 في اغلب الاجهزه ومن ثم اختار من القائمه الي هتظهرلك الفلاشه او الهارد الي انت موصله
الجزء الاول : لو انت اخترت صح هتلاقي الكمبيوتر ابتدى يحمل فعلا وهتلاقي مكتوب على الشاشه : •Windows XP/2000/2003 setup – First and Second parts دوس Enter او استنى 10 ثواني
هتلاقي ظهرلك اهختيارين ومتعلم (Highlight) على •First part of Windows XP Home Edition setup
دوس Enter وهتبدا عملية ال **** Mode الي ذكرتها فوق وهي السيت اب الي تعرفها ومن خلالها تقدر تختار البارتيشن وتفرمت ال C مثلا افضل ماشي مع القوائم كل المعتاد لحد مايخلص ويبدا يعمل Restart عشان يهي نفسه للمرحله القادمه
الجزء الثاني :
هنكرر الي عملناه في الجزء الاول وهو انك تخلي الجهاز يقوم من الفلاشه عن طريق استخدام ازار F8 او F12 او على حسب نوع جهازك ..
هتجيلك رساله هتستنى 10 ثواني او تدوس Enter في القائمة التاليه هتلاقي برضه اختيارين و هتلاقي Second part of XP Home Edition setup+Start Windows for first time معمول عليها اختيار(Highlight)
وبكده تبدا الجزء الثاني من علمية التنصيب وهو ماذكرته فوق وسمينها الGUI هتمشي مع القوائم وتحط السيريال وتظبط الساعه والوقت وغيره كالمعتاد ..لحد ما يخلص وهيعمل ريستارت تاني عشان يهي نفسه لمرحلة اول تشغيل ...
الجزء الثالث والاخير:
هنكرر ما فعلنا في بداية الجزء الاول والثاني وهو انك تخلي الكمبيوتر يقوم من الفلاشه عن طريق الضغط على الازار F8 او F12 او غيرهم على حسب نوع جهازك طبعا وتختار من القائمه الي هتطلعلك الفلاشه او الهارد الي انت موصلها ...
بعد كده بتجيلك قائمه ممكن تدوس Enter او تستنى 10 ثواني وهو هينقلك للقائمه الي بعدها هتلاقي برضه اختيارين وهتلاقي Second part of XP Home Edition setup+Start Windows for first time تم اختياره ومعموله عليه Highlight
وبكده الكمبيوتر هيبتدي يحمل ويحضر لاول تشغيل او مانسميه مرحله الFirst Run بعد مابيخلص برضه كالمعتاد هتلاقي اخيرا ظهرلك الDesktop وابدتا يكون عندك ويندوز ...الف مبروك
ملحوظه هامه : دلوقتي بس تقدر تشيل الفلاشه من الكمبيوتر ومش قبل كده عشان تتفادى اي اخطاء في التنصيب وتضطر تبدا من الاول
وبكده تقدر تشغل الكمبويتر بتاعك عادي جدا كانك مستخمتش الفلاشه اساسا ويقوم (boot)اتوماتيكيا من الهارد ويبتدي يقوم الوندوز..
ملحوظه اخيره ...قبل مايقوم الجهاز هتلاقي فيه رساله بتقولك اختيارات ياما تقوم الوندوز ياما تبدا عملية التصليح.. ودا عادي وممكن تسيبه كده وممكن تغيرها اول ماتفتح الوندوز عن طريق التعديل في الملف Boot.ini ودا هتلاقيه في ال C:\ مباشرة ....
Please select the operating system to start:
•Microsoft Windows XP Home Edition •USB Repair NOT to Start Microsoft Windows XP Home Edition
لكي تقوم بالتعديل كل ما عليك عمله هو ازاله السطر الغير مرغوب فيه فقط وهو الخاص بعملية الاصلاح ... ودا بيكون شكل الملف لما تفتحه ..
[Boot Loader]timeout=30 Default=multi(0)disk(0)rdisk(0)partition(1)WINDOWS [Operating Systems] multi(0)disk(0)rdisk(0)partition(1)WINDOWS=”Micros oft Windows XP Home Edition” /noexecute=optin /fastdetect multi(0)disk(0)rdisk(1)partition(1)WINDOWS=”USB Repair NOT to Start Microsoft Windows XP Home Edition” /noexecute=optin /fastdetect
اعملSelection بالماوس للتالي فقط واعمل delete وبعدين اعمل Save
multi(0)disk(0)rdisk(1)partition(1)WINDOWS=”USB Repair NOT to Start Microsoft Windows XP Home Edition” /noexecute=optin /fastdetect
ملحوظه هامه : اذا قمت بالعبث ومسحت السطر الخاطئ لن يستطيع الكمبيوتر العثور على نسخه الوندوز ولن يعمل الا بعد ان تقوم بتصليح الملف وعادة ما تفشل وستضطر الى تنصيب الوندوز من جديد .. ممكن ايضا تقليل الوقت من 30 الى 5 ثواني او اقل على حسب المرغوب وابقاء اختيار الاصلاح للمستقبل بدون حذف عن طريق التغيير في القيمة
[Boot Loader] timeout=5
واخيرا ...اتمنى ان تكونوا فعلا قد استفدتك وتعرفتم على حاجه جديده تساعدكم ..
انا كتبت كتابة الموضوع باللهجه المصريه ودا للتسهيل على الشريحه الكبر من القراء ويطريقه يمكن ان يراها البعض صعبه بعض الشئ ولكن دا لان العملية نفسها تحتاج الي شخص قد تمكن من تنصيب الوندوز قبل كده واكتر من مره ودا بنسميه Advanced User اذا واجهتم اي مشاكل في فهم الموضوع او عندكم استفسار في احد النقاط فقط ضعوا ردا هنا وانا ان شاء الله هتابع معاكم
ملحوظه : هذا الموضوع هو اجتهاد شخصي وهو مترجم ومنقول من موقع اجنبي متخصص وغير مصرح بالنقل الا بعد ذكر كاتب الموضوع
برنامج Win Setup from USB لتنصيب الويندوز من فلاشه او من هارد خارجي مع الشرح