عشاق النبي

عشاق النبي علي باب الله عطر وعطري علي باب الله

بنحب النبي كلنا نهواه وندوب في العشق علشان نلقاه

أحلي مافي الدنيا كلام الله نلمس شباكه ونقول الله
نتملي بنوره وما لينا سواه ويارب ننل في الاخره رضاه

يشفع شفاعه عند الأله ونمد ايدينا ليه بالدعاه
اسلامنا نور وهدي يامحلاه ورسولنا أطهر خلق الله
والخير أدامنا والناس شيفاه بأيدي محمد حبيب الله
والطير يرفرف كده في سماه سبحان الخالق جل علاه
يا أجمل شيء وعنيا عشقاه يانور علي نور من عند الله
عايشين علي الارض كلنا في حماه أحباب النبي عشقين رؤياه
وكلام من قلبي لقلبي هواه حتي عيوني عمري ما تنساه
مصر اللي رواها النيل جواه تفضل مليانه علشان مجراه
من صحبه جرح يزول بدواه وينادي الفرح وتلبي نداه
والأيد في الأيد ما تقول الأه علشان هيمانه كده في فضاه
ويدور في القلب عشق بنتمناه من أطهر قدوه دا رسول الله

(هذه الكلمات كتبتها انسانه عزيزه عليا جدا ولست انسب كلماتها الي هي صديقتي العزيزه نجوي ابراهيم وهي غير مشتركه معنا ولكن حبيت عندما اكتب بعض كلماتها ان لا انسب عملها لي .شكرا لكم جميعا علي مروركم لقراءه بعض هذه الكلمات في حب النبي ).