اكتر لحظات بقدر اجمع منها افكارهى الاوقات اللى بكون ماشى فيها فى الشارع
نظرتى للناس بتكون خاصة جدا وغريبة شوية
يعنى مثلا اشوف واحد لابس قميص ابيض اسأل نفسى هو لى اشتراة ابيض؟؟؟ لية مش احمر مثلا؟!!
لى الولد بيمسك ايد اختة او صاحبتة او البنت اللى بيحبها وهما بيعدوا الشارع؟؟ لى مثلا مش بيحطوا ايدهم على كتف بعض؟
تساؤلات غريبة . بس جميلة
فكر مثلا تكسر رتم مللك وانت ماشى فى الشارع انا عن نفسى لما بزهق من المشى بجرى . سيبك من الناس هيقولوا عليك مجنون
وفيها اية؟
يبقى انت كدة بقيت المتميز الوحيد فى الشارع
اولا بقيت المجنون الوحيد فى الشارع
ثانيا لما تجرى هتوصل اسرع من اللى ماشيين
ثالثا لما تجرى هتبقى اديت فرصة لجسمك انة يعمل حبة رياضة على الماشى بعد يوم شاق كله ملل وحرقة اعصاب
بلاش تجرى يا مستر. حط الهاند فرى فى ودنك واسمع موسيقى
اسمع موتزارت او بيتهوفن شخصيا ارشحلك عمر خيرت لاءنى بموت فية
الجو هدؤ شوية ؟؟ خلى الهاند فرى فى ودنك واديها منير
وارشحلك اغنية ( ايديا فى جيوبى ) بتاعة عمنا صلاح جاهين
متجربة على فكرة وضامنهالك
تخيل كدة وانت ماشى لوحدك بتسمع ايديا فى جيوبى وقلبى يتطرب سارح فى غربة بس مش مغترب وحدى لكن ونسان وماشى كداااا ببتعد ؟؟ معرفش او بقترب؟؟
اية؟؟ مبتحبش الاغانى؟؟
اسمع قرأن شغل جزء من صورة البقرة
ولو مسيحى شغل جزء من اى سورة فى الانجيل
وزى مانت فاهم ان الدين لله والوطن للجميع
ودانك عطلانة النهردة ومش عاوزاصلا تسمع؟؟
طيب فين العصير؟لازم دايما طول مانت ماشى
يا معاك علبة عصير او حتة شكولاتة لمزيد من الحيوية
واهو شوية طاقة تساعدك على مواصلة اليوم بنجاح
صايم؟؟
اضحك... اضحك وانت ماشى . هيقولوا عليك مجنون؟؟
هقولك نفس اللى قلتهولك قبل كدة فى الاول
افتكر لحظات حلوة وانت ماشى وابتسم عليها
افتكر حد غالى عليك واسرح شوية. كانت هتخبطك عربية؟؟
واية يعنى؟ دا معناه ان الشارع كله هيبص عليك
ودا لية مزايا بردوا!!!
*هيفتحلك باب اوسع للشهرة
هتكون اشهر واحد فى الشارع لآن الناس كلها هتبص عليك
وهتقولك الواد اللى كان هيعمل حادثة اهو
* ممكن صاحب العربية يوصلك . تمام بردوا مش وحش
وابقى تعالى كل يوم
*صاحب العربية ممكن يشتمك؟؟؟
هايـــــــــــــــــــــــــــــل خدت حسنة ياريس
والحسنة بعشرة امثالها والله يضاعف لمن يشاء
لقيت حد محتاج اشتريت منة باكو مناديل ومخدتش منة الباقى
الله عليك ربنا يكرمك يارب ويجعلها مناديل الهنا
شفت بقا قد اية المشى فى الشارع مفيد؟؟!!
جربت تضحك النهردة؟؟
الرئيسية
المنشورات
التسجيل
دخول
تسجيل الدخول
الجنس
مساهماتى 
معدل التقييم
الأوسمة
موضوع: جربت تضحك النهاردة - ها لسه هتفكر طيب ادخل كده - منتديات المنسى اون لاين 
السبت 7 أغسطس - 9:44:14
