طريقه عمل اللحمه البارده

المقادير

عرق لحم ( نطلبه من عند الجزار حسب الوزن اللي عاوزينة )

خيط الجزار ( نطلبه من عند الجزار برضه )

8 فصوص ثوم ( ممكن نزودهم حسب الطلب)

3 معالق كبيرة سمنة

ملح / فلفل اسود / بهارات / حبهان

خضار مختلف ( جزرة مقطعة / بطاطس مقعة / بازلاء / اي خضار تحبي تضيفيه )

الطريقة

نخرم اللحمة في اماكن مختلفة بطرف السكينة و نحط في الأماكن دي فصوص الثوم (ممكن نتبل التوم بملح و فلفل الأول)

في نفس الأماكن اللي حطينا فيها الثوم ممكن نحط الحبهان , بس يفضل منكترش من الحبهان

نلف اللحمة بخيط الجزار ( فيه ناس بتلفها بدوبار , بس خيط الجزار أحسن لأنه حاجه طبيعية و هتدي طعم لذيذ)

بعد لما نلف اللحمة كوس بحيث ان الثوم ميطلعش ولا يقع منها نبدأ نسخن السمنه في قلاية غويطه و نحط فيها عرق اللحمة

نبدأ في الأول نشوح اللحمة , نقلبها على كل جنب لحد لما كلها تتشوح , بعد كدا نغطيها 10 دقايق لحد لما تبدأ تنزل الميه بتاعتها

نحط قطع البطاطس و الجزر و الخضار , بس منحطش كتير , عشان يستوي كويس , يعني مجرد قطع قليلة و بسيطة تضيف طعم بس

نضيف الملح و الفلفل بتاعنا و البهارات

نبص عليها كل شوية و نقلبها يمين و شمال , و كل ما تشرب الميه بتاعتها نضيف شوية ميه من عندنا ( الميه تبقا دافيه شوية مش من الحنفية )

نختبر اللحمة كل شوية بالشوكة , اول ما نلاقي سواها بقا كويس نشيلها من على النار ( بتاخد تقريبا 45 دقيقه على النار )

أول ما تستوي , نرفعها و نصفيها من الصوص بتاعها , و نستنا انها تبرد و نقطعها شرائح (ممكن بعد لما نطلعها من النار نحطها في الفرن فوق 5 دقايق على الشواية العلوية عشان وشها ينشف و يتحمر , بس دي حاجه اختيارية )

بنحطها في اطباق و نصب عليها من الصوص و نحط حواليها البطاطس و الجزر و الخضار اللي كان معاها

السلام عليكم ورحمة الله وبركاته

شكـرا على الموضوع المميز..

بارك الله فيك/ي على هذا الجديد من المواضيع...

واصل/ي ولاتفاصل/ي ولاتحرمونا من جديدكم

وليكن شعارنا يداً بيد من اجل منتدى اروع واجمل

والرقي بة الى الامام وهذا لاياتي الا بجهودكم الكريمة والرائعة

تحية مني لكم ومن القلب وباجمل العطور لكم

تقبلو تحياتي

مشكورة سوسو على المجهود والطريقة المفيدة
تسلم الايادى

» أفضل طريقه لعمل الكاتشب مثل كاتشب ليبز {طريقه مميزه ومجربه}
» طريقه عمل الرز الصيني
» طريقه عمل ورد من أوراق الشجر
» طريقه التحكم فى السيرفر
» طريقه عمل البيتيفور شرح بالصور