كلام بابا وماما

*امشى جاتك مشش فى ركبك .

* جتها نيلة الى عايزة خلف تيجى تتفرج .

*ذاكر يابني مش فالح غير فى الهيافه والكلام الفاضى.

* ربنا يرزقك بعيل يوريك اللي ورتهوني.

* هات كيس عيش وانت راجع.

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات .

* هتذااااااااكر هتاخد عنية مش هتذااااااااااكر هتاخد بالجزمة (ده طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* والله ما انت فالح.

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط .

* احمد ربنا الاكل الى مش عجبك ده فى ناس مش لقينه .

* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* و كمان
ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

ربنا يخليهم لنا يارب

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
*ابقى ورينى مين حينفعك فى الاخر من شوية الصيع الى انت مشيلى وراهم
يخرب عقلك يا : مستر ماكس
ليه يا عم الفضايح دى خلى الطابق مستور
هههههههههههههههههههههههههههههههههههه
بس بجد اقوال جامده تسلم يامان
سيتم نقلها الى قسم التسليه والترفيه
حتى تأخد نصيب الاســــد ( يا اسد )

شكرا يا محمد على متابعتك لجميع المواضيع فى المنتدى

وردودك الجميله ايضا
بس هو مفيش حد تانى بيرد على المواضيع فى المنتدى ؟
يا ترى الاعضاء فين ؟
ربنا ما يحرمنا منك يا رجل الظلام

* كل يوم هات هات لمة ربيتلى الهتهات .

هههههههههههههههههههههههههههههه
رائع يا مستر ماكس
بجد موضوع جااااااااااااامد
تسلم الايادى يا حبيب قلبى
منتظرين مزيدك

» فيلم اخر كلام DVDRIP بطولة حسن حسنى و مادلين مطر !@!, تحميل فيلم اخر كلام DVD
» قصه-مؤثره- اموت انا ويعيش بابا
» تحميل مهرجان انا بابا يالا شعبى 2012
» فيلم بابا مصاحب لمحمود عبد العزيز ميرفت امين 2010
» تحميل سيمبلات البوم هيفاء وهبى الجديد بابا فين 2010 mp3