شرح طريقة ربط PPPoE للمايكروتك بالصور

بسم الله الرحمن الرحيم

اخى العزيز ارجو منك اتساع صدرك لى وان تساعدنى بالله عليك لانى والله تعبت تعبت ولك منى الف تحيه وتقدير

انا اخيك حمدى عبد الحميد ابو الحسن

صاحب سيبر انترنت به 20 جهاز والحال ماشى والحمد لله رب العالمين لاكن تواجهنى بعض المشاكل وارجو ان اسردها عليك لعله

يتسنى لك حل مشكلتى ان استطعت وما العلم الا من عند الله وفوق كل زى علم عليم

انا مشترك انترنت ايه دى اس ال سرعه 2 ميجا الشركه التى تزودنى بالانترنت تتحكم فى كميه الجيجا بايت التى يمكن استخدامها

وهى 60 جيجا فى الشهر

الى الان كل شى ماشى تمام طيب فين المشكله

المشكله ان مستخدمين الاجهزه بيدبحونى فى اليو تيوب وتحميل الاغانى وغيره

مما يؤدى الى استنفاز الكميه قبل نهايه الشهر ب10 ايام

وبعد استنفاز الكميه النت بيموووووووووووووووووت خالص صفحه القوقل بتفتح بالعزاب

مما يؤدى الى انى بيوقف حالى وبصرف العشرين يوم بتوع اول الشهر فى ايجار الصاله والكهرباء والعاملين الى معاى

والعشر ايام الباقيين من الشهر الى هما المفروض مكسبى وتعبى بكون نايممممممممممم ومفيش حد عندى لان النت بيكون ميت علما

بانى منزل برنامج الهاندى كافيه فى السيبر وشغال زى العسل والحمد لله

كل اشويه اعارك مع الى بيعمل داون لود والناس تزعل وبيقولو امال احنا جايين هنا نعمل ايه

والمصيبه فى سرعه الداون لود 256 كيلو بايت

نصحونى اصحابى بعد مطرحت عليهم المشكله بتاعتى انى اعمل سرفر الميكرو تيك

يا عم حمدى دى حته كيسه بنتيوم 2 او 3 وترميها عندك وتحط لكل جهاز سرعه داون لود واب لود وتعيش

ومن هنا كانت بدايه المتاعب

جبت الكيسه وجبت الفنى

قلى الف جنيه واعملك السيرفر

قلت له يا عم انا راجل صاحب اعيال والعمليه تعبانه وربنا يعلم بالحال

قال عظيم بيمين ابدا

قلت روح يا عم المنتديات موجوده ونقرا ونطبق وربنا يسهل للغلابه

وكرمنى ربنا ونزلت الميكروتيك مكرك على الكيسه بعد معناه

وكرمنى اكتر ونزلت الوين بوكس

ومسكت السيرفر

وهات يا منتديات وهات يا مزاكره

كرمنى ربنا اخر كرم ومسكت النت

وعرفت الهوت سبوت وضفت وشلت وبقيت مهندس

المهم النت طالع ومتقنن وسرعه محدده وكله تمام

طيب امال المشكله فين يا عم حمدى

اقولك يا سيدى المشكله فين بقى

اختار حل من اتنين احلاهما مر

يا النت المقنن الى زى العسل من الميكروتيك سيرفر

وده انا محتاجه علشان مقوفش اخر الشهر واقعد ابيع هواء لاول الشهر الجديد

او برنامج الهاندى كافيه الى انا بدير منه السيبر وبتحكم فى وقت الاجهزه ومقدرش استغنى عنه ابدا

يعنى ايه

اوصل النت من الميكروتيك الهاندى كافيه يجنن مفيش تحكم يفتح لوحده ويقفل لوحده وحاجه تحزن

افصل الميكروتيك وارجع على الروتر يشتغل الهاندى كافيه وتمام هتسئلنى انت عامل ايه فى الاجهزه عندك يا حمدى هقولك

بص يا سيدى

انا عندى راوتر لينكسس وايرلس الاى بى بتاعه 192.168.1.1

ده فى البيت البيت يبعد عن السيبر 500 متر ناقل النت للسيبر عن طريق اكسس بوينت

يعنى اكسس بوينت فى البيت واخد من الروتر الينكسس واكسس بوينت فى السيبر فوق العماره ونازل بسلك للسويتش

والسويتش بيوزع للاجهزه

حاطط فى الاجهزه ابيهات اول جهاز اى بى بتاعه 192.168.1.2

والتانى192.168.1.3

والتالت192.168.1.4

وهكزا الى اخر جهاز

اما الماسك اوتوماتيك بيتحط لوحده

255.255.255.0

والدى فولت جيت واى

192.168.1.1

وشغال عال العال

حاطط فى دى ان اس

4.2.2.2

4.2.2.6

وشغال نت عسل ده بون الميكرو تيك

اوصل الميكرو تيك كانك جبت شيطان وحطيته فى الهاندى كافيه مفيش تحكم بس فيه نت على الاجهز

ارجوك ساعدنى بالله عليك اعمل ايه واحل المشكله دى ازاى