علامات أستفهام

على فين ياسنين الغربة واخدانى
لطريق أمالى وتحقيق أحلامى
ولا لزكرى أليمة ونهاية حزينة
الشعر بقاله سنين مدفون جوايا
شب وكبر فى الغربة معايا
لحد ماجاله وقت خرج برايا
بس ياترى
الناس لما يسمعوا شعرى هيفهموه
وييجى يوم أسمعهم بيرددوه
وإن خلص العمر بالخير راح يتزكروه
و لا اليوم يسمعوه
وبعد ساعة راح ينسوه
طيب والناس اللى بالى بالك
أكيد راح ييجى يوم ويسمعوه
ومش بعيد كمان يسجلوه
ويمسكوا كلمة كلمة ويحللوه
ولو كلامى تقيل عليهم
مش هيهضموه
ساعتهاهم أكيد
مش بالخير هيعدوه
ومش بعيد يأخدوا رقبتى
من فوق جسمى
وعلى عامود ويعلقوه
من غير مايعرفوا
إن أنا أنسان بسيط
راضى بعيشتى
لو ببيض وسميط
باحب بلدي
بأعشق عروبتى
مؤمن بدينى
بس أعمل أيه للشعر غاوى
ولا على ظلم وذل الناس ناوى
سترك يارب
دى أرادتك
مش هأعاندك
بأكتب كلامى
قرأنك قدامى
يحفظ أيامى
على فين ياسنين الغربة واخدانى
بأصرخ فى شعرى وأقول أه يانى